Who we are?

My photo
Giza, Egypt
Oh I come from a land, from a far away place…where a caravan camels roam...Where it's flat and immense and the heat is intense…it’s barbaric but hey...its home

11.21.2011

حزب اللى واقفين على باب العمارة

ده الحزب بتاع الناس اللى نزلت من على الكنبة وابتدت تشوف الصح، بس فى نفس الوقت مش قادرة تواجه وتصطدم وسط ثورة شغالة بقالها سنين فى قلوب ناس لحد ما قامت من غير ميعاد.

أنا واحدة من الناس دى اللى واقفين على باب عمارتهم. مش عايزة أكون من حزب الكنبة وأقف أتفرج على ناس بتموت...وفى نفس الوقت ماعنديش الجرأة إنى أكسر كل القواعد والخوف اللى جوايا وانزل أثور مع الثوار فى وسط أزمتهم.

يمكن أوقات كتير بشك فى الثوار وأقول: ما هو أكيد اللى بيعملوه ده غلط وبيضر بمصلحة البلد. بس بعد كل شك بصحا وأفوق على حدث فى البلد يوضحلى قد إيه هما صح. بشوف بعينى ناس كانت بتثور من سنين على نظام قائم بكل جبروته من غير ما يخافوا أو يشتكوا. كل همهم كان إنهم يشوفوا أمل فى بكرة.

وأنا على باب العمارة، شوفت الناس اللى بتضحى بنفسها علشان يعيشوا احرار وشوفت حزب الكنبة بيهاجم ويتهمهم من غير ما ينزل ويشوف بعينه. وأنا على باب العمارة فكرت وشوفت مين ممكن يكون صح ومين ممكن يكون غلط. 

فكرت مين اللى ظالم فى الأحداث دى؟ شرطة وجيش بيقتلوا ويضيعوا مستقبل شباب علشان يفضوا اعتصام من 60 شخص؟ ولا شباب نزل يوقف مهزلة العنف اللى بيستخدم من غير سبب؟
فكرت ليه الشرطة طالما عندها القوة والتنظيم القوى ده مش بتأمن ليا طريقى للبيت كل يوم بدل ما بكون مروحة وأنا خايفة حد يطلع عليا يسرق منى العربية؟  
 
فكرت ليه الاف الشباب بيتحاكموا محاكمات عسكرية فى حين ان مبارك وعصابته بيتحاكموا محاكمات مدنية بطيئة وسخيفة ومملة؟ 

فكرت ليه البلد حالها مش راضى يمشى بسبب المجلس العسكري اللى بيماطل فى تسليم السلطة. 

أفكار كتيرة دارت فى بالى وخلتنى ولا أنا عارفة أرجع على الكنبة ولا أنا عارفة اطلع بره باب العمارة. بس اللى عارفاه إنى اتحركت من مكانى ومسيرى هاخد الخطوة الصح فى يوم من الأيام.

 


5 comments:

  1. I have to say I really loved your post and it made me smile its so funny yet so sad..
    At some point in my life when I was a teenager and a bit younger than i am now I was one of the bloggers who actually demonstrated and said no and could not care less to stand in the face of what I believed to be wrong. But now after getting married and after my parents got a little bit older I knew that in spite that I did not like how things are going in my country and would have loved nothing more than to get out to the streets and scream my lungs out that I am not pro what is going on of injustice and murder. But I found myself thinking about my family, my mother, my husband who the mere idea of my going out there scared the crap out of them and me too stopped 3and bab el 3omara We are a lot but at least we feel bad about what is going on may be someday we would feel bad enough to go out there and say "the hell with it all"
    Keep up the good posts.

    ReplyDelete
  2. Hi there! Тhis post couldn't be written any better! Reading this post reminds me of my good old room mate! He always kept chatting about this. I will forward this page to him. Fairly certain he will have a good read. Many thanks for sharing!

    Here is my website; online casino
    My web page :: online casino

    ReplyDelete


  3. Alѕo visіt my wеb site :: payday Loan online

    ReplyDelete