حزب اللى واقفين على باب العمارة

ده الحزب بتاع الناس اللى نزلت من على الكنبة وابتدت تشوف الصح، بس فى نفس الوقت مش قادرة تواجه وتصطدم وسط ثورة شغالة بقالها سنين فى قلوب ناس لحد ما قامت من غير ميعاد.

أنا واحدة من الناس دى اللى واقفين على باب عمارتهم. مش عايزة أكون من حزب الكنبة وأقف أتفرج على ناس بتموت...وفى نفس الوقت ماعنديش الجرأة إنى أكسر كل القواعد والخوف اللى جوايا وانزل أثور مع الثوار فى وسط أزمتهم.

يمكن أوقات كتير بشك فى الثوار وأقول: ما هو أكيد اللى بيعملوه ده غلط وبيضر بمصلحة البلد. بس بعد كل شك بصحا وأفوق على حدث فى البلد يوضحلى قد إيه هما صح. بشوف بعينى ناس كانت بتثور من سنين على نظام قائم بكل جبروته من غير ما يخافوا أو يشتكوا. كل همهم كان إنهم يشوفوا أمل فى بكرة.

وأنا على باب العمارة، شوفت الناس اللى بتضحى بنفسها علشان يعيشوا احرار وشوفت حزب الكنبة بيهاجم ويتهمهم من غير ما ينزل ويشوف بعينه. وأنا على باب العمارة فكرت وشوفت مين ممكن يكون صح ومين ممكن يكون غلط. 

فكرت مين اللى ظالم فى الأحداث دى؟ شرطة وجيش بيقتلوا ويضيعوا مستقبل شباب علشان يفضوا اعتصام من 60 شخص؟ ولا شباب نزل يوقف مهزلة العنف اللى بيستخدم من غير سبب؟

فكرت ليه الشرطة طالما عندها القوة والتنظيم القوى ده مش بتأمن ليا طريقى للبيت كل يوم بدل ما بكون مروحة وأنا خايفة حد يطلع عليا يسرق منى العربية؟  

 

فكرت ليه الاف الشباب بيتحاكموا محاكمات عسكرية فى حين ان مبارك وعصابته بيتحاكموا محاكمات مدنية بطيئة وسخيفة ومملة؟ 

فكرت ليه البلد حالها مش راضى يمشى بسبب المجلس العسكري اللى بيماطل فى تسليم السلطة. 

أفكار كتيرة دارت فى بالى وخلتنى ولا أنا عارفة أرجع على الكنبة ولا أنا عارفة اطلع بره باب العمارة. بس اللى عارفاه إنى اتحركت من مكانى ومسيرى هاخد الخطوة الصح فى يوم من الأيام.

 

Tahririans It’s about time you get an Agenda

What Egyptians are doing in Tahrir is really great and no one can deny that the square is turning into a great place where everyone could freely express their political thoughts and argue with one another about what they find best for the country. Of course I can't say that I have a political background or really do get what's going on behind the political scene because simply all what I want is for this country to be better and better.

Since the revolution started I always felt that it was the best thing that happened to Egypt and that it should have happened ages ago and not just now بعد خراب مالطا but as they say, its better late than never. Well since the beginning I did carry and still carry a pessimistic point of view about the revolution but that's not because I am against what's going on, it's because I care tooooooo much for it and I really want this dream to come true. I really want the revolution to achieve all the items written in its "agenda". But are we really moving towards this direction now?

 

Well I don't want to write down specific details and I just want to go straight to the point of my thoughts about Tahrir:

1.      For god’s sake this is not a carnival! And sadly it is turning into a
carnival! I am not saying that people who go daily to support the protestors
are just going there to have fun and that’s it…but a huge part of it became
like a social gathering place where you are cool to be seen there. Its quite
clear that the Square did split into different areas and places to stand
depending on your social or political stance. This shouldn’t be the case; it’s
supposed to be a place where everyone gets together for one single cause and
it’s making Egypt a better place! There shouldn’t be a “Gucci Corner” where
actors and actresses show their pretty faces, take a couple of photos and
discuss the situation with one another and then go home! Of course I can’t
generalize this about all the people who go there and I can’t say that even
showing up is not adding something in the first but that’s not everything!

2.      I think you might consider getting an “Agenda”…what’s next? Do you
really think people who go daily to Tahrir to support the cause really
understand what should be done or what should they do to help? Ok I understand
that some people are stuck in Tahrir and couldn’t go out to gain supporters or
have some people who are helping outside the square. But lucky you, you already
have the people flowing into the square and you could try to talk to them and
explain what should be done to take this stupid regime down!!!

3.      It’s not only about the creative banners! They are great and they make
me laugh but then what???

4.      Why aren’t there fliers circulating regularly? Why aren’t there big
screens showing how things should be done? And I am not talking about showing
instructions of how things should be done inside the square, but I meant
showing what things should be done outside the Square. Explain, educate, and
try to gain allies outside this small area.

5.      The army should be the limits; NO, apologies Mr. President, but your
army wont limit our minds. Right now things go this way, I step into the square
and I am free to say and do what I want. Then when I am out I can’t say or do
what I really dream for Egypt? I think that’s what Mubarak is trying to do to
us. He doesn’t mind that the protestors have taken up the square as their
gathering spot just as long as they won’t expand or go beyond this area. We
certainly don’t have to expand physically but we can surely expand mentally if
things are done right!

6.      Muslim brotherhood, YES they are there and YES they are standing beside
all Egyptians and YES they are part of the community, and I salute them for
what they are doing to the square and how they are organizing things up. I
think we should give them some credit people!

7.      Instead of having people cheering for everyone when they enter the
square, why don’t you do something better and more creative? After all are you
clapping your hand for me because I’m doing what I should do? I believe it’s my
duty to be there and I should not have someone saluting me because I am there!
Do something better please at the entrances!

8.      Guys, sorry to tell you this or sound like a spoiled girl who sleeps in
her own bed and don’t get what people are really suffering from by sleeping in
the outdoors. But seriously guys, the smell coming from the toilets is
unbearable! You are asking people to get you blankets, medicine and food….well
I think you might consider asking for detergents too and not just normal
detergents, but extremely strong ones! Harpic is a great choice.

Lastly, people might say that I should try and help if I really see what's going on inside the square could be done better. It's just that I am not even sure what should I do to get things done right myself! I'd love to help and if anyone's interested then let's think together of what could be done to make this revolution work! Please we need to move ahead of the regime they should be catching up with us and not us trying to catch up with us.

 

ليه أنا بطلب التغير

ناس كتير ممكن تسأل ليه أنا بطلب التغير؟ ليه واحدة زى عمرها ما قابلت مشكلة فى حياتها فى البلد دى تكون عايزاها تتغير؟ ليه واحدة دخلت مدارس لغات كان فيها ولاد أنكل ماعرفش مين وطنط اسمها إيه دى تطالب ان الحكومة لازم تتغير؟ ولا يكونش المشاكل قابلتها لما دخلت الجامعة الأمريكية إللى على رأى محمد هنيدى "الجامعة الأمريكية، أشيك شباب فى مصر" هى إللى خلتنى مش طايقة البلد؟

حقيقي ماعنديش سبب يخلينى أطلب التغيير غير إنى بعد شهور توقف عن الكتابة قررت إنى أفتح الكمبيوتر وأبتدى أكتب إللى حاسه بيه. حاسه بإيه؟ حاسه بخنقة وقرف وزهق ومستقبل مش باينله ملامح. حاسه إنه مافيش فايدة ولما يكون أولها مافيش فايدة، أخرتها أكيد حاجة ملهاش ملامح!

خلونى أحكيلكم حوار دار ما بينى وبين واحد من الطبقة المتوسطة التى تكاد تنقرض فى مصر. ابتدا الحوار طبعا بهجوم عليا إنى "برجوازية متعفنة" وماتقلقوش دى مش شتيمة، بس المصطلح ده بيطلق على كل من عاش عيشة كريمة فى البلد دى. المهم الولد قال: "إنتِ أصلا حاسه بالناس ولا شوفتى هما عايشين إزاى ولا البهدلة إللى بتحصلهم؟ مهما كنتِ نزلتى الشارع أو إحتكيتى بالناس، عمرك ما هتحسي قد إيه الناس تعبانة لأنكم أصلا مش حاطينهم فى بالكم. كل همكم إن شركة "دادى" تدخَل الكام مليون بتوع كل سنة علشان نصرفوا منهم براحتكم". طبعا أنا ابتديت أهاجم أنا كمان وأدافع دفاع مستميت عن برجوازيتى وقولت: "إنت ليه تحكم عليا بالظاهر أصلا ولا ليه تقول إنى مش حاسه بالناس أو مش بعمل لمصلحتهم؟ أكيد حاسة بيهم بس مش لازم أطلع كل الفلوس إللى معايا صدقة للفقرا وأمشي أقول أنا بعمل إيه للغلابة." وطبعا أخدتنى الجلالة وحكيت كام موقف طلعت فيها فلوسي كلها لله وإزاى زنقت على نفسي علشان أكمل باقى الشهر من غير فلوس بعد ما طلعت منها لناس كانت محتاجة. رد وقالى: "برافو والله إنت هايلة إنك بتعملى كده مش زى ناس كتير حتى مش بيفكروا يعملوا للغلابة حاجة" طبعا فى إعتقادى إنى كده أفحمته وخلاص أنا إللى كسبت المباراة. بس وإحنا بنلعب فى الوقت الضايع، دخل الجون إللى ماكنتش عاملة حسابه و راح قال: "مش هو ده إللى إنت عايزة تسمعيه؟ إنت عايزة حد يحسسك قد إيه إنت كويسة وبنت ناس وحاسة بالغلابة؟ كل البرجوازين عندهم نفس المنطق ده، منطق مش مهم إحنا بندى الناس مرتبات عاملة إزاى، ولا أجور ماتنفعش تعيش واحد منكم يوم واحد بس. المهم إنه فى الأخر نديهم قرشين كأنهم حسنة مننا ونقول ما أهو إحنا بندى كتير أهو. بكده نبقا إدينالهم إللى يستحقوه وكمان بالمرة نحس أننا كويسين وبندى لله كتير".

فكرت فى كلامه وقولت يمكن يكون فيه جزء من الحقيقة. يمكن إحنا مش شايفين الناس عايشة إزاى بجد. جايز لو كل واحد طالب بحق الناس التانية المطحونين فى البلد كانت الدنيا إتغيرت كتير. لو كل واحد أخد حقه فعلا يمكن كانت مصر بقيت أحسن كتير. بس هل لو الواحد طالب بحق الناس التانية, أنا مين هيطالب بحقى؟ محتاجين حد يطالب بحقوقنا كلنا زى بعض, حد يقف معانا كلنا من غير أى فروق ما بينا. علشان كده انا عايزة التغير وعايزة حكومة تقف مع الغفير قبل الأمير. يمكن أكون مش بسعى لده ويمكن يكون جزء منى خايف من التغير بس هو لازم يجى مهما حصل علشان إللى بيحصل ظلم ليا قبل أى حد تانى.

الأطفال مش أحباب الله

فى قاعدة ما بينى وبين نفسى بعد يوم طويل مع ولاد أخواتى الجُمال المقطقطين فكرت كده وسألت نفسى: هو إحنا ليه بنقول إن الأطفال أحباب الله؟ مين اللى قال الجملة دى؟ أصله بالعقل يعنى, ليه ربنا هيحب الأطفال ومايحبنيش أنا مثلاً؟؟ طب ده حتى أنا صوتى واطى وبسمع كلام مامتى أكتر منهم. يعنى انا بحاول أعمل بالدين أهو. فا بعد ده كله ييجي حد يقولى إن الواد اللى مصداعنى من الصبح وكسر الفازة الكريستال وضرب أخوه الصغير وبيقعد يتخانق علشان مايخدش درس القرآن---يبقى برضه ربنا بيحبه! طب ده والله ظلم.

بس برضه قولت بدل ما الواحد يغلط فى حد, أنا أدور بكرامتى على جوجل وأشوف مين اللى قال إن الأطفال أحباب الله أحسن تطلع حاجة من السنة وأبقى بعارض الرسول ودى تبقى مصيبة انا مش قدها الصراحة. بس بما إنى عارفة إن دايما كلام الرسول بيتفق مع العقل فا قولت أكيد فى شئ غلط. وبالفعل دورت ولاقيت إن الأطفال مش أحباب الله ولا حاجة وإن المقولة دى تقريباً واحد حشاش أو واحد سكران اللى قالها! أو والله أعلم اللى قالها واحد إبنه كان متأخر فى الكلام او المشى مثلاً...فا كان صعبان عليه الواد ويا عينى إفتكر إن العيال كلهم بالمنظر ده...بس أنا متأكدة إن ربنا مابيسبش حق حد وإنه ربنا رزقه بعيل تانى مطلع عينه. أصل إستحالة واحد يقولها وهو فى كامل قواته العقلية!

عن نفسى وعن تجاربى مع حبايبى الحلوين اللى هما 9 اولاد إخوات...الأطفال نوعين ومالهمش تالت: هما يا إما شياطين, يا إما أبالسه! والحالة الوحيدة اللى بيكونوا فيها بنى آدمين طبيعيين, هى لما بيكونوا نايمين وده نادراً لما بيدوا لأهاليهم الفرصة العظيمة دى. لأن الشياطين بتكون لازم تطمئن الأول إن الناس نامت علشان تبطل شغل..فا هما بيستنوا الأهل يناموا وبعدين يدخلوا هما يناموا بقى.

والله يا جماعة أنا مش بكره العيال (أو بحاول أقنع نفسى إنى بحبهم) بس لو قولتولى الجنة تحت أقدام الأمهات..أقول إنى أبصم بالعشرة إن الست اللى تستحمل تربى عيال وتفضل صامدة لحد ما يكبروا من غير ما يجيلها جنان...تبقى أكيد ليها ثواب كبير.

ربنا يعين كل الأمهات والله...وفى النهاية أحب أهدى التدوينة دى لأخواتى البنات ومرات أخويا وأقول لهم انا بحب عيالكوا والله (بس بحب أودتى أكتر وهما مش جواها) وبحب أخرج معاهم (بس مش بحب نقضى الخروجة فى التواليت ولامؤاخذة) وبحب ألعب معاهم (بس مش بحب أقعد أشرح لكل واحد العبة لوحده) وبحب أحكيلهم حكايات (بس مش بحب فكرة إن التسعة لازم يقعدوا جنبى وأنا بحكى) وبحب يباتوا معايا (بس مش بحب إن كلنا نسيب السرير فاضى وننام على الأرض) وبحب نسافر مع بعض (بس مش بحب حد يصحينى 8 الصبحفى الأجازة ويقولى إصحى النور جه) وبحب أشترى ليهم هدايا (بس مش بحب إنى يوم ما أجيب حاجة ب20 لواحد يبقى معناها إنى هدفع 180 جنيه) وبحب أجادل معاهم (بس مش بحب حد يقولى إيه إنت لوك لوك لوك لوك..مش بتيطلى رغى)...بحبهم وجبايبى والله

تيا, ياسين, على, حسن, سلمى, جنى, عمر, حسين, مايا...بحبكم كلكم قد البحر

Tia, since u r the only one who reads my blog constantly, I will specially dedicate this post to u my beautiful niece (p.s. u can take my mint lip balm)

التويتر حلال ولا حرام فى رمضان؟

نظراً للحيرة الحامدة إللى بيقابلها زملاتنا على تويتر, فا نحب نطرح سؤال: هل التويتر حلال ولا حرام فى رمضان؟

إبن حنيل قال إن تويتر حرااااااااااام فى رمضان ويسبب الإفطار نظراً لما تتضمنه التويتات من بعض النميمة ومعلومات تساعد على قلب نظام الحكم وتحريض الشعب ضد العائلة المالكة!

لكن إبن حنيفة قال إن تويتر حلال ولكن بشروط

--------
قبل فتح جهاز الكمبيوتر أو الموبايل, يجب الإستيعاذ بالله من الشيطان الرجيم
-------

أن تكون النية خالصة للكلام فى أمور الدين وليس أمور الدنيا...يعنى مثلاً ماينفعش البنت تسأل صاحبتها حصل إيه فى مسلسل يسرا إمبارح علشان فاتتنى الحلقة! كده إنت يتعملى إعلان للمسلسل وممكن واحدة تكون ماسكة نفسها ومش عايزة تتفرج على التلفزيون ولما تشوف الكلام ده تتشد ليه وتقضى رمضان على التلفزيون بدل الذكر والصلاة
-------

يجب الفصل بين الرجال والنساء فى عالم التويتر...لا يجوز أن يتحدث الرجل مع إمرأة أجنبية (مش خواجية, بس واحدة مش من المحارم) والعكس صحيح. ولو فيه شك فى نوع أو نية إللى هتتكلموا معاهم, يبقى بلاش احسن كى نتجنب الشبهات
------

أن لا يكون الكلام على كوباية القهوة إللى مش عارفين تصحوا من غيرها ولا نفس السيجارة إللى هتموتوا عليه! خلاص يعنى كلنا عارفين إنه الصيام حاجة صعبة وإنه النيكوتين والكافيين شئ أساسى فى حياتنا علشان نفوق واليوم يظبط, بس ما باليد حيلة
-------

ماينفعش خااااااالص حد يتكلم عن الشيخ "التربو" إللى بيروح يصلى التراويح عنده! ماهو مش نعمل إعلان عن الجامع ونكون سبب فى الزحمة إللى هتحصل عنده. ياريت كل واحد يخليه فى الجامع إللى بيحبه مش الجامع إللى بيخلص بسرعة

-------
فى رمضان بس كلمة "مبارك" ترجع كلمة يمكن إستخدمها تانى. لا تحرموا ما أحله الله يا جماعة...نمشيها شهر واحد بس مافيهاش حاجة يعنى عايزيين رمضان يكون مبارك بجد مش كلام وخلاص

--------
إعملوا أن فولو لأى حد بيستخدم ألفاظ بذيئة...أصل فى ناس بقى طبع عندهم إنهم يشتموا عمال على بطال فا لازم تتجنبوا الناس دى علشان ماتقعوش فى الغلط معاهم! أصل دول ماينفعش معاهم "أللهم إنى صائم"...هيستفزوكوا يعنى هيستفزوكوا وهتشتموا شئتم أم أبيتم

-------
لا يجوز الكلام عن الأكل بتاع عزومة إمبارح عند طنط تفيدة والأكل بتاعها إللي لا يؤكل...وإنك قومت من على الفطار من غير ما تاكل أى حاجة لدرجة إنك إتلككت بصلاة التراويح علشان تنزل وتعدى تجيب أى حاجة تاكلها!! ده اكيد حراااااام, الأكل كله نعمة من عند ربنا, حتى لو طنط تفيدة هى إللى طبخاه

-------
الناس إللى بتستخدم تويتر من دول غير عربية أو إسلامية مسموح لهم إنهم يعملوا بالشروط دى لحد االعصر بس, وبعد كده ممكن الأمور تمشى عادى, مع العلم أن اكيد إللى هيعمل بالشروط دى لحد الفطار هيكون ليه الأجر والثواب

---------------------
أهم حاجة لازم كله ياخد باله منها إن النشاط الوحيد المسموح بيه فى رمضان هو النشاط الدينى وأى نشاط تانى من أى نوع يبطل الصيام...وعلى إخوانا المسيحيين, (وإللى مش إخوانى) الملحدين أو بيتبعوا أى ملة تانية...مراعاة إن رمضان أهم شهر فى السنة بالنسبة للمسلمين فا ياريت تساعدونا الله يخليكم! وكل واحد حر فى إختياراته بس المساعدة والمشاركة حلوة وأهى فرصة إن إخوانا المسيحيين عندهم صيام اليومين دول فا نقدر نشجع بعض! وياريت نرفع شعار "النشطاء يمتنعون"ا

إلى أن ناتقى بعد البقلاوة والبسبوسة والكنافة...أشوفكم يعنى مع الكحك والبيتى فور والغريبة

ودى أول سنة ليه فى رمضان على تويتر وفيس بوك مع بعض فا ربنا يتقبل منى يارب

كل رمضان وإنتم طيبين J

مع العلم إن التدوينة دى كتبتها السنة إللى فاتت لشباب الفيس بوك, بس تم تعديل بعض النقاط وإعادة صياغة الكلام حتى يتماشى مع الجو العام لشباب التويتر!

عشرون عاماً أفكار إنتحارية

ياااااااااه، ٢٠ سنة مروا علي أول مرة فكرة الانتحار تييجي في بالي! تخيلوا كان عندي كام سنة أنا وقت لما كنت بفكر في الانتحار! أنا متخيلة الصدمة علي وجوه ناس كتيرة وهما بيعرفوا لأول مرة اني فكرت انتحر في يوم من الأيام! بس اللي هما مش عارفينه ان الفكرة مش بعيدة قوي دلوقتي. أصلها ماكنتش فكرة جات لي في لحظة إحباط أو طيش. لأ، هو من الواضح ان تفكيري وتركيبتي الشخصية بتحب الهروب من الواقع واختيار الحل الاسهل والمريح دائما! فا الإنتحار أكيد أسهل طريق للخروج من كل المشاكل اللي ممكن تقابل الواحد

بجد ندمانة أشد الندم اني ما انتحرتش وأنا لسه صغيرة. كنت علي الأقل وفرت تعب ومجهود ودوشة وفلوس ومكان وحاجات كتيرة قوي عليا وعلي الناس اللي حواليا. لأ وكمان كنت هدخل الجنة من غير حساب....ما أنا طفلة بقي ومش محسوب عليا أي حاجة بعملها. الغباء بقي هو اللي خلاني اتراجع عن اني فعلا انتحر! وممكن يكون كسل برضه! كل لما أجي أقول هنتحر، أقول في بالي لا لا لا....أنا هستني كده لحد لما أكبر وابقي في ييجي ٥ ابتدائي علشان أكون بعرف اكتب كويس وأقدر اسيب لأهلي جواب أودعهم فيه

وسنة تجر سنة، وأنا قاعدة في سريري بليل وبتخيل نفسي فوق سطوح بيتنا وطالعة علي  السور وبرمي نفسي خلاص من فوق…ودايما مخي يقول لي وأنا بتخيل الموقف “ما أنا مش هفرق معاهم لو انتحرت” عادي عندهم استبن كتير غيري! بس دايما بأتراجع عن الفكرة والسبب أهبل منه مفيش…علشان قال ايه مش بعرف أكتب لسه وإكمني حنينة وطيبة ماهانش علي أموت نفسي من غير ما أكون سايبة كلمتين يفتكروني بيهم! لحد لما خلاص كنت قربت أعرف اكتب جواب زي الفل والإنتحار كان الأبواب وحلم هيتحقق..وحد الله يسامحه مش فاكرة مين، قرر يقول لي ان الانتحار حرام!

يادي النيلة!!!!!! يعني أنا قاعدة ده كله، أتخيل الواقعة بتاعتي من فوق السطوح وييجي حد كده بمنتهي السهولة يقول لي أصل الانتحار حرام! وبعدين مش يكمل بقي ويقول انه الأطفال ملهمش حساب، لأ أنا كده خلاص عرفت انه حرام فا الطبيعي انه حرام عليا حتي لو لسه طفلة

ودي كانت نهاية أول وأغلي وأعز أمنية عندي! وكبرت والأفكار القديمة لسه بتراودني، بس مع الأسف النازعة الدينية عندي بتمنعني من اني إعمل حاجة زي دي

أنا بس حبيت أحتفل بالذكري ال20 معاكم علي أول مرة أفكر فيها في الانتحار… وبالمرة أوجه كلامي لكل أم وأب وأقول لهم متقللوش من عقول عيالكم! اللي انتم فاكرنهم لسه مش فاهمين حاجة، ممكن يكون عندهم أفكار تودي في داهية وبيفهموا اكتر من أي واحد عنده ١٠٠ سنة! فا رجاءاً إتكلموا مع أولادكوا وإعرفوا مشاكلهم . وحتي إحكوا لهم علي مشاكلكوا علشان ده ممكن يفهمهم انتوا ليه بتزعقوا لبعض علي مصروف البيت مثلا! ووقتها هيعرفوا ان السبب مش منهم وان الدنيا وحشة وده الطبيعي إن الناس بتتخنق وبطلع من شعورها, بس رغم كل المشاكل لسه بتحبوهم. يعني عاملوهم زي حد كبير وعقله كبير

في النهاية أحب أقول اني الحمد لله مش عندي عقد نفسية قوي....يعني عندي العقد الطبيعية زي اللي عند كل الناس! وبحب الدنيا معظم الوقت وبشوف الناس كلها طيبة! بس مايمنعش ان أفكار الطفولة بتجييلي من وقت للتاني

43 Things Tags: Suicide

ربنا يفك عقدتي ويفتحها في وشي

بقالي كتييييير مش عارفة أكتب أي حاجه علي المدونة.. ولا حتي فيه مواضيع راضية تييجي علي بالي! يمكن يكون ده راجع لأني قررت اكتب بالعربي بس؟ واني قررت لو كتبت بالانجليزي هكتب انجليزي صرف من غير أي فرانكواراب داخل في النص. يعني بمعني أصح مش هخلط تاني بين العربي والانجليزي

دلوقتي مش عارفة اكتب انجليزي لوحده وفي نفس الوقت مش عارفة اكتب بالعربي كويس! رغم اني بقيت بكتب بسرعة علي الكمبيوتر بالعربي بس برضه مش بحس انه بعرف أعبر عن نفسي كويس بالعربي

الموضوع ده بجد بوخ وبقي يزهق! هفضل كده يعني كتيرأتكلم عن اللغة وضياع الهوية؟ المفروض بقي خلاص الواحد يبقي اكسبريس وزي الفل في الكتابة واكتب كل اللي أنا عايزاه من غير ما أحس اني كاتبة كل الكلام غلط ومش مفهوم! علشان المفروض انه المرحلة اللي جاية ابتدي اكتب بالفصحي ومش عامي

ربنا يفتحها في وشي يا رب ويفك عقدة اللغة وابقي زي اللهلوبة! واكتب فصحي وعامي وانجليزي وكله يبقي تمام. أدعولي

LiveJournal Tags: اللغة االعربية,الفرانكوآراب

باللغة العربية الفصحي…استيقظ وركز واصحي

علي قد ما العرق الصعيدي اللي فيا بينأح عليا و بيقولي ماكتبش بالعربي وانه اللي مش عجبه طريقة كتابة "الفرانكو اراب" اللعينة بتاعتي...مش لازم يقرأ.

بعدين ما هو أنا أصلا بكتب لنفسي...أو أخرتها في كام حد من صحابي بيقرأوا "المدونة" (ده علي اساس انهم لما قلتلهم انا عملت blog فهموا هو ايه فا ما بالك لو كنت قلت أنا عملت مدونة!)....بس عشان يجاملوني بيدخلوا علي المدونة...و لو الموضوع خفيف و ملوش في السياسة يبقي موضوع حلو...لكن سياسة وحال البلد وكلام كبير يوجع القلب...يبقي موضوع بايخ أكيد. انا اصلا مليش في السياسة فا مواضيعي خفيف خفيف عشان الشباب ينبسطوا!

بس بما اني مع الأسف عارفة من زمان انه اللغة بنبوظها بالكتابة بتاعتنا دي! بس دايما كنت بقول لنفسي....لا أكيد الموضوع مش صعب قوي كدة....أكيد لو بس دربت نفسي اني اكتب بالعربي...الموضوع هيبقي سهل وهعرف اكتب علي طول...أنا بس اللي مش في بالي....بس اللي حصل اني قولت اجرب اكتب واشوف انا مستوايا ايه! ولقيت الدنيا زفت!!!! ....ومش زفت عشان باخد وقت أدور علي الحرف وأنا بكتب....لأ ده طلع اني باخد وقت أفكر هي "دربت“trained- ولا هي بتكتب بال "ض" وبكده تبقي "ضربت – hit" فا أظن ان المعني هيفرق كتييييييررررر...كلمة تطلعني بنت عندها مثابرة وبتفضل ورا الحاجه لحد ما اعملها, وكلمة تطلعني واحدة عنيفة!

اول يوم قررت ابتدي اكتب بالعربي و قولت اجرب ابعت مسج من الموبايل...ونجحت فعلا وبعتها لصاحبتي...قلت اشوف الرد هيكون ايه... لقيت الرد عبارة عن مسج ملهاش علاقة باللي انا بسأله و بتقول "why are you writing in Arabic"...قولت يادي النصيييييبة!!!! ده الموضوع مبقاش اني لسه بعرف اكتب بالعربي ولا لأ....ده بقي انا بكتب عربي ليه اصلاً؟؟؟ قولت أكيد المشكلة عادي في الموبايل بتاعها وانه مش يقرأ عربي فا عشان كده اضيقت اني كتبت بالعربي....فا قولت اتصل أشوف ايه الموضوع ....لما كلمت صاحبتي وقولتلها ليه مستغربة اني كتبت بالعربي؟ قالتلي اصل مش متعوده انك تكتبي عربي وبعدين بتعب وانا بقرأ عربي فا “please” متكتبليش عربي!!

وهنالك فقط ادركت المأساة التي نعيشها. مأساة اننا لم نعُد نكتب ونمارس لغتنا العربية وما يزيد الطين بلة أنه مع مرور الوقت اصبحنا نجد صعوبة في قرأتها أيضاً! إنها كارثة بكل المقاييس, والمشكلة الحقيقية أن المصيبة تحدث في صمت, دون ان يدري بها أحد, من غير أن يلتفت اليها أحد ويحذرنا منها قبل فوات الآوان.

هويتناالعربية تضيع, نفقدها عندما لا نستطيع التفريق بين ال"ض" وال"د". برغم أن الحرفان منفصلان ونستخدمهما بالتساوي في الكتابة, ولكننا لم نعد ننتبه أن اللغة العربية تسمي لغة ال"ض", فإن أضعنا هذا الحرف, بالطبع سنفقد معه ما يميزنا عن بقية الشعوب.

لقد حان الوقت ليعرف كل شخص منا من يريد أن يكون. هل نريد أن نكون نسخة مقلدة من الغرب؟ أم نريد أن نحتفظ بالقليل الذي لا يملكه سوانا؟ القرار صعب, والاختيار أصعب لأنه يحتاج لتكسير حواجز قد بناها الوقت علي مر السنين. هل سننجح؟

ان هذا المقال يعد أول محاولة لي لهدم ما بنيته في سنوات كثيرة. حتما أن ما أخذ كل مني هذا الوقت لإنشاءه, لن ينهار في أيام قليلة.

نعتذر عن اي “ق” مكان “ك” او اي “ط” مكان “ت” او اي “ظ” مكان “ذ” يعني او اي غلط في اي حاجه...بس المهم اني حاولت وبحاول وهحاول!

Identity Crisis…..Am I a Facebookian or a Twitterian?????

Damn you my school…Damn you my university….Damn the Egyptian Educational System….Damn the Society…...Damn Peer Pressure….Damn the Traditions….Damn the Culture….and Definitely Damn Everything that’s leading me to have such an Identity Crisis!!!

Who am I??? Where do I belong??? Which person do I really care for?? Do I care for the Facebook person in me? Or do I care more for the Twitter person in me? Or do I want to live a little bit of this and a little bit of that? Reaching a middle point in between is waaayyyyy toooooo hard!!!

Am I the person who hates the stupid "francoarab" way of writing….and yet insists on using it all the time? Or am I the person who forces herself to type in Arabic (sometimes) no matter how time it takes me to find the ذ on the keyboard!!!!

Al la3na 3ala kol ma yatsabab fel identity crisis that I am facing now…al la3na 3ala el Twitter!

Al hamd lelah…so far ma7adesh men el airheads ektashafo el Twitter or are interested in using it we lisa el Facebook howa a7san 7aga fe 7ayat-hom….bas homa ebtado yezha2o we 2arabo yedawaro 3ala el Twitter…maho dah dayman el bey7sal….yezha2o mel 3agamy we yetla3o 3ala Marina…yezha2o men Marina fa yetla3o 3ala Diplo….yezha2o men kol dol…fa yetla3o 3ala gomheryet Marassi al mota7eda!!

El wa7ed yed7'ol 3al Facebook yela2y el nas laziza we having fun we status kolaha "Here's the mini-cherry on top of the regular cherry on top of the sundae of awesomeness that is my life" - Barney Stinson" wala maslan "so happy 4 my sweet …….. babeeeeeee" wala maslan "First Villa, next Fabregas...Barca just keep getting better and better!"

 

We ala2y nas da7'la teshtery shonat LV we Prada we Gucci we ye3melo online shopping we actually they do have the money to buy…we ala2y el events le 7agat lateefa…open days, weddings, birthdays, trips abroad, openings to major events…ya3ny mel a7'er people who are living their lives in the best possible way with no worries and no concerns!

 

On the other hand….el wa7ed yetnayel yed7'ol 3al Twitter…yela2y shellet activists a3deen 3amaleen yetkalemo 3an 7al el balad…we mish 3arfa meen et2abad 3alih…we mish 3arfa el mozaharat beta3et feen 7asal feeha eh….we terrorists attacks…we demonstrations we 7al balad yek2eb….we nas teshtem fe mobarak we nas mestanya el Baradie yeegy....we nas ta3bana fe om el balad de!!!

Ana meen feehom? Dana awel lama da7'alt el Twitter we ba2ool ya hady…wa7da dabetny post 3an el nas el betkteb bel francoarab style and are not caring about our beloved language!! Check it out Here Wala howa ana ya3ny lama akteb "mozza" we "hartala" we "edeeny fel hayef wana a7ebak ya nananas" bel 7oroof el 3araby…dah hay7'aly el lo3'a a7san??? Maho kalamna daye3 men el asas…Ah el wa7ed 3aref en our language is deteriorating we ah ana 3arfa eno I am not doing anything about it or to improve it…and yes my mum hates it when she sees me writing like this on facebook and always preaches me about how our language is collapsing and that i shouldnt write this way….but HELL we live in a society and culture where the stronger dominates…ma3a e3terady el shedeed we eny nawya ada7'al 3eyaly madares 7okoomy men asaso 3ashan yetnayelo we yethabebo we yet3alemo ely ma3reftesh at3alemo…we mayed7'oloosh madares tefdal te2olohom "talk in English please" el howa katkom el araf wala tala3toony ba3raf 3araby wala engleezy wala 3arfa ana taba3 Facebook wala Twitter!!

So to hell with everything!!! I will be me…no one is to judge me! Will not allow the Facebookians to judge what I do on Twitter and I will not allow Twitterians to judge what I do on Facebook…. I am both and will always be both….I will always have this Identity Crisis and will always remain in between...not Knowing where do I belong. I will always feel eno shabab el Facebook tafheen we day3een we mawarhomsh 7aga 3'eer el gossip and going out and living in their own Bubble….and at the same time I will always feel that the Twitter people are way ko2aba and I will always be the airheaded girl between them!

Al La3na 3ala al gamee3 (including me)

Sebko mel Sagayer we Sebko mel Me3asel...dah el 7ashish howa ely Beyestel!

Good News to all anti-smokers out there...Taxes on Cigarettes, Me3asel wel "Nesho2" will increase by a percentage ranging between 40-100 %


Howa el 7okooma bet2ool enohom hayzawedo el dareeba 3ala 7abet 7agat kda 3ashan el public debt mish 3arfeen yesedooh meneen....bas el so2al hena....leh el 7okooma 3ayza te7rem el nas men el sagayer???

Ya3ny el nas mish la2ya telbes, wala la2ya takol, we yadobak el sagayer wel shay homa el bey3delo el tasa....tela2y el wa7ed men dol mish 7'arman sogara ma3a kobayet shay 3al sob7 3ashan yefawa2 we yerakez....fa leh haye7remo el nas men a2al 7aga momkin tebset-hom???

Bas I think eno feh kaza sabab wara el mawdoo3 dah...being an economists (aw ma3aya shehada fel ektesad me3ala2aha fel matba7')...fa ne2dar ne2ol eno lama el price bta3 commodity beyzeed aktar men el satisfaction ely el wa7ed haya7'do men nafas el segara....fa kda mish haykoon equal to what you actually pay for el nafas dah (we manensash sooret el shab el mayet el 7atooh 3ala 3elbet el sagayer, we manensash bardo el sora el mish 3arfa awsefha be eh 3'eer eno fel fatra ely fatet el yebos 3ala 3elbet sagayer beytkesef aktar men eno yetfarag 3ala "el 7a2ee2a wara2 Melody Drama") fa be basata el 7okooma 7'alas mish 3ayza el nas teshrab sagayer....they are trying to decrease the satisfaction that people gets out of smoking cigarettes....ya ged3an dah 7ata el sagayer wel shisha 7'atar 3al se7a.

fa el 7al ba2a yekoon eh lama el sagayer te3'la??? el wa7ed momkin ye3mel shift between products....ya3ny el sagayer wel shisha ba2o 3'alyeen...ne7'aleena fel 7ashish wel bango!

Walahi el 7okoma deh laziza awi...they increased the price of tobacco products and at the same time el Azhar tala3 fatwa (lisa feh gadal 3aliha) el fatwa bet2ool "تبيح استخدام المخدرات في أغراض طبية " ......ya3ny homa beyedoko hint men ta7t le ta7t aho enoko te7ashisho we ento el bardo mosamemeen 3al sagayer??? Mish fahma ya3ny ye3melo eh aktar men kda??? Sowar we 7atolko 3al 3elab....darayeb we 3'alo se3raha twice....eh ba2a??? Hanetma3 wala hanetma3?


Your chance is out there guys...Enjoy the 7ashish...Enjoy the Bango....and then you might as well Enjoy the Country and stop complaining about the Syster....Be the System...Enjoy the System!

P.S. I am a big anti-cigarettes person...but is it true that imposing a Tax on Tobacco Products has become our only way towards balancing our public debt? Seebo 7aga lel nas tetkayef beeha ba2a 7aram 3aliko....ah sa7 ana asfa...neseet enohom hayetkayefo bel 7ashish badal el sagayer kda!

Edeeny el 7o2na Besor3a...Argook Me7taga el Gor3a